English | عربي

بۆ یادی ریفراندۆم له‌به‌رده‌م په‌رله‌مانی نه‌رویج گردبوونه‌وه‌یەک ساز ده‌کرێت


بۆ یادی ریفراندۆم له‌به‌رده‌م په‌رله‌مانی نه‌رویج گردبوونه‌وه‌یەک ساز ده‌کرێت

2019/09/12 | 13:50

(هەواڵ كوردستان)-

بڕیارە کۆمیتەی هاوکاریی حیزب و ڕێکخراوە سیاسییەکانی کوردستان، لە دەرەوەری وڵات بۆ یادی دوو ساڵەی ریفراندۆمی سەربەخۆیی کوردستان، له‌بەردەم پەرلەمانی نەرویج، گردبوونه‌وه‌یه‌ک ساز بکەن و یه‌کێک له‌ رێکخه‌رانی گردبوونه‌وه‌که‌ ئامانجی چالاکییه‌که‌ ده‌خاته‌ ڕوو.

 

محه‌مه‌د ئه‌سکه‌نده‌ر، یه‌کێک له‌ ئه‌ندامانی ئاماده‌کاری چالاکیی گردبوونه‌وهکە‌ بۆ پشتیوانی ریفراندۆم بە (باسنیوز)ی ڕاگەیاند: "کۆمیتەی هاوکاریی حیزب و ڕێکخراوە سیاسییە کوردستانییەکان لەگەڵ فیدراسیۆنی کۆمەڵە کوردییەکان لە نەرویج لە یادی دوو ساڵەی ڕیفراندۆم بۆ سەربەخۆیی کوردستاندا گردبونەوەیەك لەبەردەم باڵەخانەی پەرلەمانی نەرویج لە ئۆسڵۆی پایتەخت ساز دەکەین".

 

گوتیشی: "مۆڵه‌تی گردبوونه‌وەکە‌ وه‌رگیراوه‌ و کاتەکەی کاتژمێر4:30 بۆ کاتژمێر 6ی دوانیوەڕۆی ‌ڕۆژی چوارشەممە 25/9/2019 لەبەردەم پەرلەمانی نەرویج دەبێت".

 

ئه‌وه‌شی خسته ‌روو: "سه‌رجه‌م حزب و لایه‌نه‌کانی کوردستان ئاگادار کراونه‌ته‌وه‌ و ئامادەبوونی هەموو لایەکمان ئەرکێکی نەتەوەیی و ئەخلاقییە و بڕیاریشه‌ به ‌جلوبه‌رگی کوردی و ئاڵای کوردستانەوە یاده‌که‌ به‌ گه‌وره‌یی بکرێته‌وه‌ و په‌یامی حزب و لایه‌نه‌کانیش ده‌خوێندرێته‌وه"‌.








نیشانەکردن



زۆرترین






ڤیدیۆ- وێنە





Trending