English | عربي

بابێ‌ تەیار: فیستەڤالا دهۆكێ‌ ژ بۆ كوردان پێنگاڤەكا هەرە مەزنە


بابێ‌ تەیار: فیستەڤالا دهۆكێ‌ ژ بۆ كوردان پێنگاڤەكا هەرە مەزنە

2019/09/12 | 20:50

(هەواڵ كوردستان)- ئەڤرۆ ، زنار تۆڤی: ئەكتەرێ‌ بەرنیاسێ‌ كورد جومعە ئیبراهیم یێ‌ كو ب ” بابێ‌ تەیار”، دهێتە نیاسین، خەلكێ‌ رۆژئاڤایێ‌ كوردستانێ‌ یە و ل باژێرێ‌ قامیشلۆ دژیت، مێهڤانێ‌ حەفتەمین فلمە فیستەڤالا دهۆكێ‌ بوویە، د دیدارەكێ‌ دا بۆ ئەڤرۆ نیوز دبێژیت: بابێ‌ تەیار فلمێ‌ وی یێ‌ ئێكی بوو، كو هەڤالەكێ‌ وی هندەك زنجیرێن درامی چێكرن، وان دڤیا چەندین خەلەكان ژ وێ‌ درامایێ‌ دروست بكەن، لێ‌ دەمێ‌ وان خەلەكا ئێكێ‌ چێكری، هەڤالێ‌ وی وەغەر كر، لەوما وان ئەو زنجیرا درامی راوەستاند و ئەو ب بابێ‌ تەیار هاتە نیاسین، دیسان ئەڤە دەمێ‌ 25 سالانە ئەو د وارێ‌ سینەمایێ‌ دا ل رۆژئاڤا كار دكەت، هەروەسا هەتا نوكە وی پشكداری د 12 فلمان دا كریە.

ناڤهاتی ئەو ژی دیار كر: د فلمان دا ئەو رۆلێ‌ سەرەكی دبینیت، هەروەسا هەر رۆلەكێ‌ ب وی بهێتە دان، هەكە لدووڤ دلێ‌ وی بیت، ئەو دێ‌ ئەنجام دەت، دیسان فلمە فیستەڤالا دهۆكێ‌ ژبۆ كوردان پێنگاڤەكا هەرە مەزنە، ئەو دخوازیت فلمێن كوردی پتر بهێنە نیشاندان و ئەڤ سالە فیستەڤالا دهۆكێ‌ د ئاستەكێ‌ باش دایە، دیسان دڤێت سالانە فلمێن كوردی ب رەنگەكێ‌ مەزنتر بهێنە چێكرن، چونكی نوكە شیانێن باش هەنە، هەر چەندە مە فلمێن سینەمایی هەنە، لێ‌ مە سینەما نینە، لەوما دڤێت ئێدی ئەم بزاڤان بكەین ژ بۆ ئاڤاكرنا سینەما كوری ب رەنگەكێ‌ ب هێز.








نیشانەکردن



زۆرترین






ڤیدیۆ- وێنە





Trending