English | عربي

وەزیری دارایی زانیاری لەبارەی پێشخستنی موچەو پلەبەرزكردنەوە ئاشكرادەكات


وەزیری دارایی زانیاری لەبارەی پێشخستنی موچەو پلەبەرزكردنەوە ئاشكرادەكات

2019/09/14 | 19:40

(هەواڵ كوردستان)- یەكێتی مامۆستایانی كوردستان چەند داواكارییەك لەبارەی پلە بەرزكردنەوەو پێشخستنی موچە، پێشكەشی وەزارەتی دارایی دەكات، سەرۆكی یەكێتییەكەش لەسەر زاری وەزیری داراییەوە ئاشكرایدەكات كە وەزارەتەكە سەرقاڵی چارەسەركردنی پلە بەرزكردنەوەی فەمانبەرانەو دیراسەی پێشخستنی موچەی وەزارەتی خوێندنی باڵاو توێژینەوەی زانستیش دەكات.

عەبدولواحید محەمەد سەرۆكی یەكێتی مامۆستایانی كوردستان رايگەیاند: لەمیانەی كۆبوونەوەمان لەگەڵ ئاوات شێخ جەناب وەزیری دارایی و ئابووری حكومەتی هەرێم، یاداشتێكی هەشت خاڵیمان پێشكەش كرد لەبارەی كاروباری مامۆستایان و موچەو پلە بەرزكردنەوەی مامۆستایان و فەرمانبەران.

وتیشی: “لەكۆبوونەوەكەدا باسی ئەوەمان كرد كە بەپێی یاسای خزمەتی شارستانی ژمارە 24ی ساڵی 1960، فەرمانبەر مافی خۆیەتی پلە بەرزكردنەوەی بۆ بكرێت، بۆیە پێویستە ئەو كێشەیە چارەسەر بكرێت، لەوەمدا وەزیری دارایی ئاماژەی بەوەكرد، كە لەچەند ساڵی رابردوودا هەرێمی كوردستان لەدۆخێكی نائاساییدا بووەو ئێستا سەرقاڵی چارەسەركردن و لێكۆڵێنەوەی ئەو بابەتەن، بەڵام بڕیاری لەبارەوە نەدراوە”.

راشیگەیاند: هەر لەكۆبوونەوەكەدا داوامان كرد، موچەی وەزارەتی خوێندنی باڵاو توێژینەوەی زانستی، لەدوای وەزارەتی پەروەردەوە دابەشبكرێت، چونكە مامۆستایان لەوەزارەتی خوێندنی باڵاش هەمان ئەركیان لەئەستۆیە، لەوەڵامدا وەزیری دارایی رایگەیاند، دیراسەی ئەو بابەتەش دەكەین.








نیشانەکردن



زۆرترین






ڤیدیۆ- وێنە





Trending