وینە.. سەدان لە فەرمانبەرەیل بەسرە خوه‌پیشاندان كردن
شەفەق نیوز/ سەدان لە فەرمانبەرەیل کۆمپانیای گشتی بەندەرەیل عراقی، ئمڕوو یەکشەممە، خۆپیشاندانکردن لە ناو بارەگای کۆمپانیاگە لە پارێزگای بەسرە، و داوا لە شایستە پویلیەیلیان کردن، و تەرخان کردن بەش زەوی ئه‌را نیشته‌جا بوین. هەمیش فەرمانبەرەیل فەرمانگەی دابەشکردن کەهرەبای باشوور خۆپیشان کردن ئەرا خەرجکردن مووچە دیرکەفتیەگەیان هن چەن مانگ وه‌رین.
پەیامنێر ئاژانس شەفەق نیوز لە بەسرە وت: خۆپیشاندەرەیل داواکردن وە هاوردنەوەی کار کرێنەگان و تیمەیل لە بەندەرە نەفتیەگان ، و خاسەوکردن خاڵ بیمەگان و زویکردن لە ئاڵشتکردن ناونیشانە فەرمانبەریەگە وەگورەی شایستە، و ئاماژەدان ک هەمیش داوای پویچەڵ کردن گریەبەسەگان کردن وەل کۆمپانیا وەبەرهەمهاورەیل.
بەسرە، لە خود مەوقەگە خۆپیشاندانیگ تر وەخوەی دی ئەرا فەرمانبەرەیل فەرمانگەی دابەشکردن کەهرەبای باشوور لە ناوچەی مەعقەل، وە داوا لە خەرج کردن موچەیلیان ک ئەرا چەن مانگیگ دیر کەفتگە.
پەیامنێرەگە وەتیش؛ فەرمانبەرەیل فەرمانگەی کەهرەبا لە ناوچەی مەعقەل، خۆپیشان كردن لە وەردەم فەرمانگەگە، وداوای خەرجکردن مووچەیل زیاتر لە ٥ مانگ دویا كه‌فتگ کردن، و ئاڵشتکردن رەوشیان لە گریەبەسی ئەرا مەلاک هەمیشەیی.
پەیامنێرەگە وتیش؛ دووارەی داواکارییان کردن لە حکومەت فیدڕاڵی، و موستەفا کازمی سەرۆک وەزیرەیل، و پارێزگار بەسرە، ئەرا جەختکردن لەبان لایەنە پەیوەندی دارەگان وەخەرجکردن مووچەیان، لە سای زیانەگە و بەرزەوبوین پلەی گەرمی لە پارێزگای بەسرە.