لە توزخورماتو و دیالە کۆڕۆنا وەرەودویا چوود
شەفەق نیوز/ سەرچەوەیگ تەندروسی لە دیالە، ئمڕوو یەکشەممە، خەوەردا ک ئاست خاسەوبوین لە پەتای کۆرۆنا رەسیە ٦٤% لە گشت پارێزگاگە، لە وەخت دیارکەفتن پەتاگە تا ئیسە، لە وەختیگ وەڕەیەوبەرایەتی قەزای توزخورماتو لە پارێزگای سەڵاحەدین ئاماژەدا وە کەمەوبوین تووشهاتنەگان و خاسەوبوین زیاتر لە نیمەی تووشهاتگەیل وە ڤایڕۆسەگە.
سەرچەوەیگ لە شانەی قەیران خۆجێی لە دیالە ئەرا ئاژانس شەفەق نیوز وت: پارێزگاگە ٢١٠٢ تووشهاتگ وە ڤایڕۆس کۆڕۆنا تۆمار کردگە لەوەخت دیاركەفتنی تا ئیسە، وەرانوەر ١٣٣٥ خاسەوبوین و ١٠٣ مردن.
سەرچەوەگە دیاریکرد ک لە ماوەیل گوزەیشتە کەرەنتین ماڵی و کارە مقەیەتیەگان ئەرا خیزانەیل تووشهاتگەیل، هووکار بوی لە کەمەوکردن تووشهاتنەگان و نواگردن لە کارەساتیگ په‌تایی لە پارێزگاگە ، و داوای خەسەوکردن هاوکاری کۆمەڵایەتی لە دامەزراوە تەندروسی و ئەمنیەگان کرد ئەرا وەردەوامی ئارامبوین رەوش تەندروسی و نواگردن لە بڵاوبوین تووشهاتنەگان.
لە خود چینەگە، حەسەن زەینل عابدین قایمقام قەزای توزخورماتو، ئەرا ئاژانس شەفەق نیوز وت: بڕ تووشهاتنەگان لە وەخت دیارکەفتن پەتاگە رەسیە ٥٠ تووشهاتگ، و دیاریکرد ک ٢٤ تووشهاتگ خاسەوبوین و لە خەسەخانەی کەرەنتین دەرچگن، و ئەوەکان هانە ژیر چارەسەری و رەوش تەندروسییان ئارامەو وەرەو خاسی چوود.
زەینل عابدین دووپاتکرد لە سەختەوکردن ریکارەیل مقەیەتی و تەندروسی لە قەزاگە، و کەمەوبوین تووشهاتنەگان لە رووژەیل گوزەیشتە، دویای سەختەوکردن ریکارەیل وەناوهاتن و دەرچگن ئەرا قەزاگە، ک بویە هووکار لە گواستنەوەی تووشهاتنەگان لە ماوەی گوزەیشتە.