هەواڵی کوردستان ئێستا

شەفەق نیوز/ تەندروسی سلێمانی، ئمڕوو دووشەممە، ئاشکراکرد لە ٢٠٠ تووشهاتگ وە ڤایڕۆس کۆرۆنا ک چارەسەری وەرگرن لە خەسەخانەیل پارێزگاگە، وئاماژەدا ئەرا ئەوە ک حالەتەیل مردن کەمەوبوی و خاسەوبوینەگە دڵنیا کەێد.
عەبدولڵا سەنگاوی جیگر وەڕیەوبەر تەندروسی سلێمانی ئەرا ئاژانس شەفەق نیوز وت: ژمارەی تووشهاتگەیل لەناو خەسەخانەگان ڤایڕۆس کۆڕۆنا لە سلێمانی ئیسە رەسیە تەنیا ٢٠٠ تووشهاتگ، و ئاماژەدا ک مردنەگان کەمەوبوی، و خاسەوبوینەگان مزگانی وە خەوەر خوەشیگ دەێد.
وەڕیەوبەرایەتی تەندروسی پارێزگای سلێمانی لە هەرێم کوردستان، دویەکە یەکشەممە، راگەیان لە خاسەوبوین دەور دوو هەزار تووشهاتگ لە ڤایڕۆس کۆرۆنا لە سنور پارێزگاگە.
سەباح هەورامی وەڕیەوبەر تەندروسی سلێمانی لە قسەیگ ئەرا ئاژانس شەفەق نیوز وت: لە دوو هەفتەی گوزەیشتە ١٩٩٠ تووشهاتگ لە شار سلێمانی خاسەوبوی لە ڤایڕسەگە، وتیش ؛ ماوەی ناوبەین ١٣/٥/٢٠٢٠ تا یەکشەممە ١٢ تەمووز ژمارەی خاسەوبویەیل رەسیە ٢٨٥٧ کەس.