یەکێتی بووشایی ئەمنی ده‌سنشانكرد ك ئۆپراسیۆنەگە پڕیەو نەکرد
شەفەق نیوز/ یەکێتی نیشتمانی کوردستان، ئمڕوو سێشەممە، پێشوازی لە ئۆپراسیۆن '' پاڵەوانەیل عراق قۆناغ چوارم'' کرد لە ناوچە دابڕیاگ، و ئاڵوزەگان لە چەن پارێزگایگ، و هەمیش ئاماژەدا و چارەسەرنەکردن بووشایی ئەمنی گەورایگ ناوبەین هێزەیل فیدڕاڵی و پێشمەرگە.
شێرکۆ میروەیس نوێنەر یەکێتی نیشتمان لە دیالە ئەرا ئاژانس شەفەق نیوز وت: لە وەختیگ پێشوازی کەیمن لە ئۆپراسیۆن '' پاڵەوانەیل عراق قۆناغ چوارم'' لە دەورگرد خانەقین و دوز و ئامەرلی و دەورگرد نەینەوا، بەڵکم مەترسی داعش هیمان هەس لە بووشاییە ئەمنیەگان لە ناوچە دابڕیایەگان وەدریژاییەگەی لە سنور نەینەوا تا دەورگرد دیالە ک هیمان پەنا و لانە داعشه.
میروەیس دیاری کرد ک ئۆپراسیۆن ئەمنی لە یەک لایەنەو بی سوودە و هەماهەنگی ئەمنی و هەواڵگیری خوازێد ناوبەین پیشمەرگە و سوپای عراقی، ئەرا لەناوبردن لانەو حەشارگەی تیرۆرسته‌یل لە فرە ناوچەی دابڕیایەگ ک هیمان زیان لە ئاڵوزی ئەمنی و پەلامار وەردەوام تیرۆرست وەخوەی دوینێد.
میروەیس ئاماژەدا ئەرا گرنگی کارکردن لەبان پلانەیل ئەمنی هاوبەش ناوبەین بەغداد و هەولێر، و قەیبڕکردن رەنجە ئەمنیەگان و ئامانجکردن ئەنجامەیلیگ وەرەو ئاست هەڕەشە وەتایبەت لە ناوچەیل دەورگرد خانەقین ک هیمان ناوچەیلیگ هاتی دەسمیەتکارن وەگەرد داعش، ک بویە هووکار بەرزەوبوین چالاکی تیرۆرستانە دژوە مەدەنیەگان و کەرتە ئەمنیەگان.
ونشانەکرد ک هەر ئۆپڕاسیۆن ئەمنییگ وەبی چارەسەرکردن بووشاییە ئەمنیەگان ئامانج خوەی وەجی نیەتیەرێد وەهوی ستڕاتیژی کۆمەڵە تیرۆرستەگان ک لەبان رەفتار هەشارەکی کارکەن.
فەرماندەی گشتی هێزە چەکدارەیل عراق، لە ١١ تەمموز، دەسکردە ئۆپراسیۆن سەربازی وەناونیشان '' پاڵەوانەیل عراق چوارم'' ئەرا پاکەوکردن ناوچەیل ناوبەین دیالە و کوردستان و ناوچە سنوریەگان وەگەرد ئیران. فەوجیگ لە دژەتیرۆر وپێشمەرگە لە ناو سنور کوردستان بەشداری بوین.