قاسم ئەعرەجی وە فەرمی پۆستەگەی لە فەیاز وەرگرێد


قاسم ئەعرەجی وە فەرمی پۆستەگەی لە فەیاز وەرگرێد

2020/07/14 | 14:15 - سەرچاوە: شـه‌فـه‌ق نيـوز

( ئه‌م رۆژه‌ | هەواڵی كوردستان)- شەفەق نیوز/ قاسم ئەعرەجی وەزیر ناوخۆی وەرین، وەشیەوەیگ فەرمی پۆست راوێژکار ئەمن نیشتمانی وەرگرد لەجیای فالح فەیاز ک ئەرا چەن ساڵیگ ئەو پۆستە گردوید.لە راوێژی ئەمن نیشتمانی، شەوەکی ئمڕوو، مەراسیم وەرگردن وەرپرسایەتی راوێژکاری ئەرا قاسم ئەعرەجی ئەنجام دریا، لەلایەن فالح فەیاز راوێژکار ئەمن نیشتمانی وەرین.نووسینگەی راگەیانن راوێژ ئەمن نیشتمانی لە بەیاننامەیگ ك رەسیە ئاژانس شەفەق نیوز وت: ئی مەراسیمە وە ئامادەبوین ژمارەیگ لە راوێژکارەیل و وەڕیەوبەرەیل ئی دامەزراوە ئەنجام دریا.بەیاننامەگە هەمیش وت: ئەعرەجی کۆبونەوەیگ ناسینەوە ئەرا راوێژکارەیل و وەڕیەوبەرەیل بەسا، ک پێشوازی وە ئامادەبویەیل کرد و ئاره‌زوو زیاتر لە بەخشین ئەرایان داواکرد له‌ خزمەت بەرژەوەنی گشتی و ئاوادانکردن عراق.وەرجەیە، موستەفا کازمی سەرۆک وەزیران و فەرماندەی گشتی هێزە چەکدارەیل، لە سەرتای مانگ تەمووز، کۆتایی وە وه‌پرسیاریه‌تی فەیاز هاورد و ئەعرەجی لەجیای دانا، و هەمیش کۆتایی وە پۆست فەیاز هات لە پۆست وەریخستن باوەتیەل دەزگای ئەمن نیشتمانی، و عەبدولغەنی ئەسەدی لەجیای دانریا ئەرا وەڕیەوبردن دەزگاگە.



سەرچاوەى هەواڵ - شـه‌فـه‌ق نيـوز


Sponsored Links