هەواڵی کوردستان ئێستا

شاندێکی پەرلەمانی کوردستان سەردانی گەرمیان دەکات

شاندێکی پەرلەمانی کوردستان سەردانی گەرمیان دەکات
شاندێکی پەرلەمانی کوردستان سەردانی گەرمیان دەکات

2020-07-15 00:00:00 - سەرچاوە: سپێده‌

دیجیتاڵ میدیای سپێده‌

شاندێکی پەرلەمانی کوردستان سەردانی گەرمیان دەکات و لەڕه‌وشی تەندروستیی ئەو دەڤەرە دەکۆڵێتەوە.

بڕیارە ئەمڕۆ چوارشەممە شاندەکە، کە لە ئەندامانی لیژنەی تەندروستی لە پەرلەمان پێکهاتووه‌، سەردانی دەڤەری گەرمیان بکه‌ن.

شاندەکە لەگەڵ بەرپرسانی ئیدارەی گەرمیان کۆدەبنەوە و تاوتوێی هۆکارەکانی بڵاوبوونەوەی پەتای کۆرۆنا لەو دەڤەرە دەکات.

هه‌روه‌ها بڕیارە شاندەکەی پەرلەمانی کوردستان سەردانی خاڵی سنووریی پەروێزخان بکات و بەدواداچوون بۆ رێککارە خۆپارێزییەکان لەو دەروازە سنوورییە، بکه‌ن.

ئه‌م سه‌ردانه‌ی شانده‌ی په‌رله‌مان بۆ ئه‌وه‌ دێت چاڵاكوانان و رێكخراوه‌كانی ده‌ڤه‌ره‌كه‌ چه‌ندین جار داوای یارمه‌تی و به‌ده‌مه‌وه‌ هاتنی لیژنه‌ی په‌رله‌مان و حكومه‌تیان كردووه‌ به‌هۆی خراپی ڕه‌وشی ته‌ندروستی گه‌رمیان كه‌ به‌ بارودۆخێكی خراپ تێپه‌ر ده‌بێت .