English | عربي

وەزیری دارایی بریتانیا: وڵاتەکەمان لە 31ی ئۆکتۆبەر لە یەکێتی ئەوروپا دەچێتەدەرەوە


وەزیری دارایی بریتانیا: وڵاتەکەمان لە 31ی ئۆکتۆبەر لە یەکێتی ئەوروپا دەچێتەدەرەوە

2019/09/30 | 10:25

(هەواڵ كوردستان)-

خەندان-   وەزیری دارایی بریتانیا رایگەیاند، وڵاتەکەی لە 31ی ئۆکتۆبەری ئەمساڵدا لە یەکێتی ئەوروپا دەردەچێت، دەشڵێت، "هیواخوازم تا ئەوکاتە بگەینە رێککەوتن لەگەڵ یەکێتی ئەوروپادا".وڵاتەکەمان لە 31ی ئۆکتۆبەردا لە یەکێتی ئەوروپا دەچێتەدەرەوە 

بەپێی هەواڵێکی ئاژانسی رۆیتەرز، ئەمڕۆ دوشەممە ساجید جاڤید، وەزیری دارایی بریتانیا رایگەیاندوە، "وڵاتەکەمان لە 31ی ئۆکتۆبەردا لە یەکێتی ئەوروپا دەچێتەدەرەوە".ئاماژەی بەوەشکرد، "هیواخوازم تا ئەوکاتە بریتانیا بگات بەڕێککەوتن لەگەڵ یەکێتی ئەوروپادا، لەبەرئەوەی دەرچون بەبێ رێککەوتن کارێکی نمونەیی نیە، بەڵام ئەوە شتێکی گونجاوە لە 31ی ئۆکتۆبەردا دەربچین ئەگەر نەشگەیشتین بە رێککەوتن".کاتێک پرسیاری لە وەزیری دارایی بریتانیا کرا لەبارەی ئەوەی چۆن بریتانیا دەتوانێت لە یەکێتی ئەوروپا دەربچێت بەبێ رێککەوتن، لەکاتێکدا یاسای وڵاتەکەیان سەرۆک وەزیران ناچاری دەکات بە داواکردنی بە دێژکردنەوەیەکی دیکەی ماوەی کۆتایی بۆ دەرچونی لە یەکێتی ئەوروپا، جایڤد رەتیکردەوە، باس لە چونێتی ئەنجامدانی ئەوکارەبکات.راستە ئەو یاسایەی کە پەرلەمان دەریکرد وادەکات کارەکان قورستربەڕێوەبچێت، بەڵام ئێمە باوەڕمان بە سیاسەتی تایبەتی خۆمان هەیە کە ناگۆڕێت

 

رونیشیکردەوە، "راستە ئەو یاسایەی کە پەرلەمان دەریکرد وادەکات کارەکان قورستربەڕێوەبچێت، بەڵام ئێمە باوەڕمان بە سیاسەتی تایبەتی خۆمان هەیە کە ناگۆڕێت، بگومان لە 31ی ئۆکتۆبەردا یەکێتی ئەوروپا جێدەهێڵین".31-ی ئۆکتۆبەری ئەمساڵ دوا وادەی دەرچونی بریتانیایە لە یەکێتی ئەوروپا

 

31-ی ئۆکتۆبەری ئەمساڵ دوا وادەی دەرچونی بریتانیایە لە یەکێتی ئەوروپا، پێویستە لەسەر بریتانیا پێش 17ی ئۆکتۆبەر پلانی چارەسەرکردنی کێشەی سنوری گومرکیەکانی ئێرلەندا پێشکەش بە یەکێتی ئەوروپا بکات.ئەگەر تا ئەو بەروارە بریتانیا نەیتوانی پلانێکی گونجاو دابنێێت، بەپێی بڕیاری پەرلەمان بۆریس جۆنسن، سەرۆک وەزیرانی بریتانیا ناچاردەکرێت بە داواکردنی درێژکردنەوەیەکی دیکە بۆ دەرچونی بریتانیا لە یەکێتی ئەوروپا.








نیشانەکردن



زۆرترین






ڤیدیۆ- وێنە





Trending