هەرێم کوردستان ئەرا نواگردن کۆرۆنا هاوکاری پزشکی لە تورکیا وەرگرێد


هەرێم کوردستان ئەرا نواگردن کۆرۆنا هاوکاری پزشکی لە تورکیا وەرگرێد

2020/07/19 | 13:15 - سەرچاوە: شـه‌فـه‌ق نيـوز

( ئه‌م رۆژه‌ | هەواڵی كوردستان)- شەفەق نیوز/ وەزارەت تەندروسی لە حکومەت هەرێم کوردستان، ئمڕوو یەکشەممە، باریگ لە هاوکاری پزشکی وەرگرد ئەرا نواگردن ڤایڕۆس کۆرۆنا پێشکەش کریاگە لە کۆمپانیایگ تورکی.وەزیر تەندروسی هەرێم کوردستان لە کۆنگرەیگ رۆژنامەوەانی هاوبەش وەگەرد قونسوڵ تورکی هاکان کاراجای، وت: ئیمە فرە پێویستی دیریمن وە كه‌لوپه‌له‌ پزشکیەگان ئەرا مقەیەتی کادرە تەندروسیەگان و پزشکەیل ک وەداخەو بڕیگیان کەفتنە وەر تووشهاتن وە ڤایڕۆسەگە، و بڕیگیان کۆچ دویای کردن.باس لە ئومید خوەی کرد لە هەڵمەت کۆمپانیا دەرمانیەگان لە کەرت تایبەت وە پشتگیری هەرێم کوردستان، ئەرا وەپشتسەرناین رەوشەیل ئیسە و قەیران کۆرۆنا.لەلای خوەییش کاراجی وت: کۆمپانیای مسکموڵ تورکی چەن باریگ لە هاوکاری تەندروسی داگە هەرێم کوردستان، و دووپاتکرد ک تورکیا پەیوەندی خاسیگ دیرێد وەل بەغداد و هەولێر، و خوەی وەردەوام مینێد لە پیشکەشکردن هاوکاری ئەرایان.



سەرچاوەى هەواڵ - شـه‌فـه‌ق نيـوز


Sponsored Links