English | عربي

خانەقین بەهۆی هێرشێکی داعشەوە پۆلیسێكی كورد شەهید بوو


خانەقین بەهۆی هێرشێکی داعشەوە پۆلیسێكی كورد شەهید بوو

2019/10/04 | 09:40

(هەواڵ كوردستان)-

شەوی رابردوو لە ئەنجامی دەستڕێژی چەکدارانی داعش بۆ سەر لیوایەکی پاسەوانی سنوور لە قەزای خانەقین، پۆلیسێكی كورد شەهید بووە.

 

مەحموود دەلۆ، كارگێڕی لیژنەی ناوچەی جەلەلای پارتی دیموكراتی كوردستان، بە (باسنیوز)ی راگەیاند: "كاتژمێر 11ی شەوی ڕابردوو چەكدارانی داعش هێرشیان كردووەتە سەر لیوای 8ی سنووری "دیالە" و تا بەرەبەیانی هەینی تەقەیان كردووە و دواتر كشاونەتەوە.

 

 گوتیشی: "زانیاریی وردمان پێگەیشتووە، بەهۆی دەستدڕێژی چەكدارانی داعشەوە پۆلیسێكی كوردی خەڵكی خانەقین، شەهید كراوە".

 

لەمبارەوە هیوا مەحموود، ئەفسەری ئەو لیوایە بە (باسنیوز)ی ڕاگەیاند: "بارەگای لیوای ٨ی سنوور دەكەوێتە نزیك خانەقینەوە و هاوكات نزیك لە گوندی "دارایە"وە.

 

گوتیشی: "بەداخەوە پۆلیسێكی لیواكە كە كوردە و خەڵكی خانەقینە بەناوی (رزگار عەبدوڵا) شەهید بووە."

 

ئەو ئەفسەرە روونیشی كردەوە: "چەكدارە تیرۆرریستەکانی داعش نزیك بوونەتەوە و دەسترێژیان كردووە و پاشتر هەڵاتوون، بۆیە ئێستا سەرجەم پۆلیس و ئەفسەرانی  لیوای 8ی سنوور كەوتوونەتە حاڵەتی ئامادەباشییەوە".








نیشانەکردن



زۆرترین






ڤیدیۆ- وێنە





Trending