داعشەیلیگ بەشدار لە پەلامارەیل دژوە هێزه‌یل عراقی و پێشمەرگە ده‌ستگیر كریان


داعشەیلیگ بەشدار لە پەلامارەیل دژوە هێزه‌یل عراقی و پێشمەرگە ده‌ستگیر كریان

2020/07/21 | 12:35 - سەرچاوە: شـه‌فـه‌ق نيـوز

( ئه‌م رۆژه‌ | هەواڵی كوردستان)- شەفەق نیوز/ ئاژانس هەواڵگیری لە وەزارەت ناوخۆ، ئمڕوو سێشەممە، راگەیان؛ لە ناوچەیلیگ لە پارێزگای کەرکوک، مەفرەزەیلی ٥ کەس دەسوەسەر کردن لە لایەنگەرەیل ریخریاگ داعشن.ئاژانسەگە لە بەیاننامەیگی ئمڕوو وت: ئەیانە داواکریاگن وە گویره‌ی مادەی ٤ تیرۆر ئەرا لایەنگری داعش، سێیان لەلیان کارکردنە لە ولایت باشوور کەرت حەمزە وە نازناو '' ئەبو داهی، و ئەبو ماریا، و ئەبو خەتاب'' و چوارمیان لە ''دیوان عسرە'' کارکردیاد، و پەنجمەگە لە ''دیوان خزمەتگوزاری''بەیاننامەگە دیاریکرد؛ لە لێکۆڵینەوەگان ئاشکرای لایەنگری خوەیان کردن ئەرا داعش، و بەشداربوینیان لە چەن پەلاماریگ دژوە هێزە ئەمنیەگان و هێزەیل پێشمەرگە.هەمیش مەفرەزەگان ئەمار تەقەمەنی لە جیماگەی داعش دینەو لە ناحیەی رەشاد لە پارێزگای کەرکوک، ٣٠ مین وەشیوەی جەلیکان لەناوی بوی پڕ لە سی فۆڕ و ٣ مووشەک نەمساوی و ١٥ ئامێر تەقینەوە.بەیاننامەگە وتیش: قسەیل تیرۆرستەگان دەسنووس فەرمی کریا، و هەواڵە کریانە دادگا ئەرا تەواکردن قاقەزەیل لێکۆڵیەنەوەیان، و چارەسەرکردن تەقمەنیەگان لە لایەن به‌ش ئەندازه‌یی کریا وەبی هیچ رووداویگ.



سەرچاوەى هەواڵ - شـه‌فـه‌ق نيـوز


Sponsored Links