هەواڵی کوردستان ئێستا

شەفەق نیوز/ موستەفا کازمی سەرۆک وەزیران وەیاوەری شاند حکومەتییگ، ئمڕوو سێشەممە، دەسکردە سەردانە فەرمیەگەی ئەرا ئیران.
سەردانەگەی کازمی لە دویای یەک رووژ تیەێد لە سەردان محمد جواد زەریف وەزیر دەرەوەی ئیران ئەرا بەغداد پایتەخت، وشار هەولێر پایتەخت هەرێم کوردستان، هەنای چەویکەفتە وەرپرسە گەوراگان و سەرکردە سیاسیەگان لە هەردوگ شارەگە، و وەگەردیان گفوگۆکرد لە ژمارەیگ لە باوەتەگان و ریەیل پاڵپشتی پەیوەندیە دووانیەگان.
نووسینگەی راگەیانن کازمی لە بەیاننامەیگ ئمڕوو وت: سەردانەگە باس پەیوەندیە دووانیەگان لە ناوبەین هەردوگ وڵاتە هاوساگە گریدەو، و ریەیل پشتگیری کردنیان، و باس کردن لە باوەتە گیرهاتگەیل وە هاوکاری و میکانزم گەشەکردنی لە چەن چینیگ، و هەمیش لە نووەو بویەگان لە رەوشەیل هاوبەش، لە مەیدانەیل هەرێمی و ناودەوڵەتی.