ژوورا بازرگانیا دهۆكێ: چەندین گرێبەست دگەل دەولەتێن بیانی هاتینە ئیمزاكرن
سەرۆكێ ژوورا بازرگانی و پیشەسازی ل پارێزگەها دهۆكێ دیار كر كو دگەل وەلاتێ بەلجیكا و توركیا و ئیران و بەرلین و ئوردن و ئیمارات و چەندین وەلاتی ئەورووپی یاداشتنامەیێن لێك تێگەهشتنێ هاتینە ئیمزاكرن ب مەرەما بەردەوامی دان ب كارێن بازرگانیێ.
ئەیاد حەسەن، سەرۆكێ ژوورا بازرگانی و پیشەسازی ل پارێزگەها دهۆكێ بۆ (باسنیوز) دیار كر كو: "بەردەوام ژوورا بازرگانیا دهۆكێ قەستا دەولەتان دكەت بۆ ئیمزاكرنا گرێبەستان پێخەمەت بهێزكرنا كارێ بازرگانی ل دهۆكێ وهاتنا بازرگانان بۆ هەرێما كوردستانێ. بەرێ چەند رۆژان دگەل ژوورا بازرگانی توركیا ل مێرسین گرێبەستەك هاتە ئێمزاكرن، نها كار پێ دهێتە كرن وپتریا كەرەستێن توركی ژ مێرسین بۆ دهۆكێ دهێن. ئەم هەولێن بەردەوامداینە بۆ سەرنج راكێشانا بازرگانێن بیانی بۆ كوردستانێ".
خۆیا ژی كر كو: "نها پتریا بازرگانێن دهۆكێ كەرەستێن خوە رەوانەی ناڤ بازارێ عێراقێ دكەن. هەردەمێ رەوشا بەغدا تێك بچیت بێگومان كارتێكرن ل سەر بازرگانان دهێـتە كرن چونكو بازرگانێن مە نەشێن پشت راستی بچنە پارێزگەهێن عێراقێ بۆ كاركرنێ".
