هەواڵی کوردستان ئێستا

ھەولێر-KDP.info- مەسروور بارزانی، سەرۆكی حكوومەتی ھەرێمی كوردستان و مایک پۆمپێیۆ، وەزیری دەرەوەی ئەمەریکا لە پەیوەندییەكی تەلەفۆنیدا رەوشی عێراق و ناوچەكەیان تاوتوێ كرد و مەسروور بارزانی چەند پێشنیازێک بۆ ھێوركردنەوەی گرژییەكان دەخاتە بەردەم وەزیری دەرەوەی ئەمەریكا.

بەرەبەیانی ئەمڕۆ چوارشەممە 2020/1/8 لە پەیوەندییەکی تەلەفۆنیدا، مەسروور بارزانی سەرۆکی حکوومەتی هەرێمی کوردستان و مایک پەمپێیۆ وەزیری دەرەوەی ئەمەریکا، گفتوگۆیان دەربارەی دوا پێشهاتەکانی عێراق کرد. سەرۆکی حکوومەتی هەرێمی کوردستان داوای هێورکردنەوەی بارودۆخەکەی کرد.

سەرۆکی حکوومەتی هەرێمی کوردستان لە تویتێكدا لەبارەی پەیوەندی تەلەفۆنی لەگەڵ وەزیری دەرەوەی ئەمەریكا ئاماژەی بەوەكرد، چەند پێشنیازێکی بۆ هێورکردنەوەی گرژییەکان و کۆنترۆڵکردنی بارودۆخەکە خستووەتە بەردەم مایک پۆمپێیۆ.

پێشتر و لە رۆژی ھەینی 3/1/2020، مەسروور بارزانی سەرۆکی حکوومەتی هەرێمی کوردستان، لە پەیوەندییەكی تەلەفۆنیدا لەگەڵ مایک پۆمپێیۆ، وەزیری دەرەوەی ئەمەریکا جەختی لە پێویستی هێورکردنەوەی بارودۆخەکە کردبووەوە.