واده‌ى ده‌ستپێكردنه‌وه‌ى ده‌وامى زانكۆى سه‌ڵاحه‌دین دیاریكرا
2020-09-23 00:00:00 - سەرچاوە: سپێده
دیجیتاڵ میدیاى سپێده
واده‌ى ده‌ستپێكردنه‌وه‌ى ده‌وامى زانكۆى سه‌ڵاحه‌دین دیاریكراو سه‌رۆكى زانكۆكه‌ش رایده‌گه‌یه‌نێت: له‌سه‌دا ۷۰ی بابەتەکان لەناو کەمپ و له‌سه‌دا ۳۰ی بەشێوەی ئەلیکتڕۆنییە.
د.جه‌وهه‌ر فه‌تاح سەرۆکی زانکۆی سەڵاحەدین بە دیجیتاڵ میدیاى سپێدەی ڕاگەیاند، ئەمڕۆ ئەنجومەنی زانکۆی سەڵاحەدین دوای کۆبونەوەمان بڕیارماندا کە ڕێکەوتی ۲۰۲۰/۱۰/٤ یەکەم ڕۆژی دەستپێکردنی خوێندنی ئەم ساڵە ۲۰۲۰-۲۰۲۱.
ئاماژه‌ی به‌وه‌شكرد، شێوەی خوێندنیش بەشێوەی ئاوێتەیە، له‌سه‌دا ۷۰ی بابەتەکان لەناو کەمپ و له‌سه‌دا ۳۰ی بەشێوەی ئەلیکتڕۆنییە.