په‌رله‌مانتارێك: به‌هۆی ململانێی سیاسییه‌وه ناردنی پرۆژه‌یاسای بودجە 2020 دواكه‌وتوه
ئەندامێکی پەرلەمانی عێراق رایدەگەیەنێت، هۆكاری سه‌ره‌كی نه‌ناردنی پرۆژه یاسای بودجەی 2020 بۆ پەرلەمانی عێراق بەهۆی ململانێی سیاسییەوە، لەکاتێکدا حکومەتی ئێستا دەتوانێت پڕۆژەکە رەوانە بکات.
شیروان میرزا، ئه‌ندامی ئه‌نجومه‌نی نوێنه‌رانی عێراق به‌خه‌ندان-ی راگه‌یاند، "تا ئێستا هیچ شتێك به‌فه‌رمی ره‌وانه‌ی په‌رله‌مان نه‌كراوه بۆ ئه‌وه‌ی حكومه‌ت ده‌ستكراوه بكرێت به‌مه‌به‌ستی ناردنی پرۆژه‌یاسای بودجه".
پڕۆژەیاسای بودجەی 2020 بڕیاربو لە ناوەڕاستی مانگی ئۆکتۆبەری ساڵی رابردودا رەوانەی پەرلەمان بکرێت
پڕۆژەیاسای بودجەی 2020 بڕیاربو لە ناوەڕاستی مانگی ئۆکتۆبەری ساڵی رابردودا رەوانەی پەرلەمان بکرێت، بەڵام بەهۆی خۆپیشاندانەکانی بەغدا و چەند پارێزگایەکی دیکەوە ئامادەکردنی پرۆژەکە دواکەوت و پاشان عادل عەبدولمەهدی دەستی لە پۆستی سەرۆک وەزیران کێشایەوە.
به‌رله‌وه‌ی عه‌بدولمه‌هدی ده‌ستله‌كاربكێشێته‌وه ده‌توانرا پڕۆژه‌یاسای بودجه ره‌وانه بكرێت، ئێستا له‌روی یاساییه‌وه گرفتێكی ئه‌وتۆ نابێت كه پڕۆژه‌كه ره‌وانه بكرێت
شیروان میرزا ئاماژەی بەوەشکرد، "به‌رله‌وه‌ی عادل عه‌بدولمه‌هدی ده‌ستله‌كاربكێشێته‌وه و حكومه‌ت ببێته كاربه‌ڕێكه‌ر، ده‌توانرا پڕۆژه‌یاسای بودجه ره‌وانه بكرێت، به‌ڵام نه‌كرا، دوای ئه‌وه‌ش له‌روی یاساییه‌وه گرفتێكی ئه‌وتۆ نابێت كه پڕۆژه‌كه ره‌وانه بكرێت".
به‌هۆی ململانێ سیاسییه‌كانه‌وه ناردنی پرۆژه‌یاسای بودجه بۆ په‌رله‌مانی عێراق دواكه‌وتوه
باسی لەوەشکرد، به‌هۆی ململانێ سیاسییه‌كانه‌وه ناردنی پرۆژه‌یاسای بودجه بۆ په‌رله‌مانی عێراق دواكه‌وتوه.