لهسهر دابهشكردنى موچهى مانگى 10 روونكردنهوه دهدرێت
دیجیتاڵ میدیاى سپێده
راوێژكاری ئابوریی سەرۆك وەزیرانی عێراق جهختدهكاتهوه، موچەی مانگی 10 هیچ مەترسییەكی لەسەر نییە و یاسای قەرزی ناوخۆ لە پەرلەمانەوە تێدەپەڕێنرێت.
مەزهەر محەمەد ساڵح لە لێدوانێكی رۆژنامەوانیدا وتی، هیچ نیگەرانییەك لەبارەی خەرجكردنی موچەی ئەم مانگە بوونی نییە و وەك موچەی مانگی پێشوو دواناكەوێت.
ئاماژهى بهوهشكردووه، نەرمی نواندن هەیە لەلایەن لایەنە تایبەتمەندەكانەوە بۆ خەرجكردنی موچە بەبێ دواخستنی.
راوێژكارەكەی سەرۆك وەزیرانی عیراق باسی لەوەشكردوە، مافەكان پارێزراون و رێنمایی لە پەرلەمان و حكومەتیشەوە هەیە بۆ خەرجكردنی موچە لەرێگەی تێپەڕاندنی یاسای قەرزی ناوخۆیی كە پێشكەشی پەرلەمان كراوە.
قسه كردن لهسهر دابهشكردنى موچهى مانگى 10 ى فهرمانبهرانى عێراق له كاتێكدایه، مانگى داهاتوو حكومهتى ههرێم موچهى مانگى 5 دابهش دهكات.