گوتەبێژی حكوومەت بۆ KDP: ئەمڕۆ هەردوو سەرۆكایەتییەكەی ھەرێم و حكوومەت كۆدەبنەوە
2020-02-03 00:00:00 - سەرچاوە: kdp
ھەولێر-KDP.info- ئەمڕۆ سەرۆكی ھەرێمی كوردستان و سەرۆكی حكوومەتی ھەرێمی كوردستان كۆدەبنەوە، گوتەبێژی حكوومەتیش رایدەگەیەنێت، سەرۆكی ھەرێم سەرپەرشتیی كۆبوونەوەكە دەكات.
د. جووتیار عادل، گوتەبێژی حكوومەتی ھەرێمی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "ئەمڕۆ دووشەممە، كاتژمێر ١١و نیوی پێشنیوەڕۆ، ھەردوو سەرۆكایەتییەكەی ھەرێم و حكوومەت كۆدەبنەوە، كۆبوونەوەكەش بە سەرپەرشتیی نێچیرڤان بارزانی سەرۆكی ھەرێمی كوردستان لەگەڵ مەسروور بارزانی و وەزیرەكانی كابینەی نۆیەم دەبێت".
عادل روونیشی كردەوە، كۆبوونەوەكە، كۆبوونەوەی ئەنجوومەنی وەزیرانەو ھەموو وەزیرەكانی كابینەی نۆیەم بەشدار دەبن، بەڵام بە سەرپەرشتیی سەرۆكی ھەرێمی كوردستان دەبێت.
ھەڵكەوت محەمەد
