سه‌رۆكێ حوكمه‌تا هه‌رێما كوردستانێ په‌يامه‌ك به‌لاڤكر
2019-11-30 00:00:00 - سەرچاوە: ئه‌ڤرۆ نيوز
ئه‌ڤرۆ نيوز، نيوار محه‌مه‌د سه‌ليم: ژ به‌ر هێرشا شڤێدى يا چه‌كدارێن داعش بۆ سه‌ر باژێركێ كه‌له‌جۆ ل كفرى و شه‌هيد بوونا رێڤه‌به‌ر و دو كارمه‌ندێن ئاسايشێ سه‌رۆكێ حوكمه‌تا هه‌رێما كوردستانێ په‌يامه‌ك به‌لاڤكر و ئه‌ڤه ژى ده‌قێ وێ يه: په‌يامه‌ك ژ سه‌رۆكێ حوكمه‌تا هه‌رێما كوردستانێ ب مخابنى ڤه شه‌ڤا بۆرى ژ ئه‌نجامێ هێرشه‌كا تيرۆرستێن داعش بۆ سه‌ر باژێركێ كوله‌جۆ يێ سه‌ر ب كفرى، رێڤه‌به‌ر و دو كارمه‌ندێن ئاسايشێ شه‌هيد بوون و چه‌ند كارمه‌نده‌ك ژى بريندار بوون. پرسه و سه‌ره‌خۆشيێ ل كه‌سوكارێن شه‌هيدان دكه‌ين و هيڤدارين خودايێ مه‌زن ب به‌هشتا خوه شاد بكه‌ت و هيڤيا ساخبوونێ بۆ برينداران دخوازم. ئه‌ڤ هێرشا تيرۆرستى يا داعش، نيشان دده‌ت كو ئه‌ڤ رێكخراوا تيرۆرستى هێشتا ب ته‌مامى تێك نه‌هاتيه شكاندن و مه ژى د ڤێ ده‌ربارێ دا چه‌ندين جاران هوشدارى دايه. ژ به‌ر هندێ پێدڤيه كۆمه‌لگه‌ها نێڤده‌وله‌تى ژ ئه‌گه‌رێ هاريكاريكرنا هه‌رێما كوردستانێ و عيراقێ به‌رده‌وام بيت بۆ روو ب رووبوونا داعش و كاركرن د پێناڤى نه‌هێلانا ئه‌وان ئه‌گه‌ران يێن دبنه سه‌ده‌م بۆ سه‌رهلدان و چالاكبوونا رێكخراوا تيرۆرستى. مه‌سرور بارزانى سه‌رۆكێ حوكمه‌تا هه‌رێما كوردستانێ 30/11/2019
