عێراق چاکبوونەوەی ٨٠٢ کەسی دیکەی لە ڤایرۆسی کۆرۆنا راگەیاند
دیجیتاڵ میدیاى سپێده
لە عێراق لە میانی ٢٤ کاتژمێری رابردوودا، ٨٠٢ کەس لە ڤایرۆسی کۆرۆنای نوێ چاکبوونەتەوە و دوو ھەزار و ٢٨٢ کەس تووشی ڤایرۆسەکە بوون، ھەروەھا شەش کەس بەھۆی ڤایرۆسەکەوە گیانیان لەدەستداوە.
وەزارەتی تەندروستیی و ژینگەی عێراق لە راگەیەنراوێکدا ئاماری ٢٤ی کاتژمێری رابردووی سەبارەت بە ڤایرۆسی کۆرۆنای نوێ (COVID-19) بڵاوکردەوە.
بەپێی راگەیەنراوەکە لە میانی ٢٤ کاتژمێری رابردوودا لە ئەنجامی ٤٤ ھەزار و ٨٠٠ پشکنین، دوو ھەزار و ٢٨٢ کەس تووشی ڤایرۆسی کۆرۆنای نوێ بوون و شەش کەسیش بەھۆی ڤایرۆسەکەوە گیانیان لەدەستداوە.
ئاماژە بەوەیشدراوە کە لە میانی ٢٤ کاتژمێری رابردوودا، ٨٠٢ کەس لە ڤایرۆسەکە چاکبوونەتەوە.
لە راگەیەنراوەکەی وەزارەتی تەندروستیی و ژینگەی عێراق ئەوەیش خراوەتەڕوو کە کۆی گشتیی تووشبووان بە ڤایرۆسی کۆرۆنای نوێ لە عێراق، گەیشتووەتە ٦٣٤ ھەزار و ٥٣٩ کەس و لەو ژمارەیەش ١٣ ھەزار و ١٤٠ کەس گیانیان لەدەستداوە و ٦٠٢ ھەزار و ٨٢٠ کەسیش لە ڤایرۆسەکە چاکبوونەتەوە.