هەواڵی کوردستان ئێستا

سه‌یدسادق.. ئەمڕۆ پێشبڕكێیه‌كى پایسکلسوارى بۆ كوڕان ئه‌نجامده‌درێت

سه‌یدسادق.. ئەمڕۆ پێشبڕكێیه‌كى پایسکلسوارى بۆ كوڕان ئه‌نجامده‌درێت
سه‌یدسادق.. ئەمڕۆ پێشبڕكێیه‌كى پایسکلسوارى بۆ كوڕان ئه‌نجامده‌درێت

2019-12-11 00:00:00 - سەرچاوە: باسنیوز

بڕیاره‌ ئەمڕۆ چوارشه‌ممه‌، ناوه‌ندى وه‌رزش و لاوانى سه‌یدسادق، پێشبڕكێیه‌كى پاسكیلسوارى بۆ كوڕانی پاسكیلسوارى سنوورى قه‌زاى سه‌یدسادق و ده‌ورووبه‌رى ئه‌نجامبدات.

 

ته‌ها حه‌مه‌جان، به‌رپرسی ناوه‌ندى وه‌رزش و لاوانى سه‌یدسادق، به‌ (باسنیوز)ى ڕاگه‌یاند: "ناوه‌ندى وه‌رزش و لاوانى سه‌یدسادق، له‌چوارچێوه‌ى كاروچالاكییه‌كانى خۆیدا، كاتژمێر 9.30 خوله‌كى ئەمڕۆ چوارشه‌ممه‌ 11/12/2019 پێشبڕكێیه‌كى پاسكیلسوارى بۆ كوڕانی پاسكیلسوارى سنوورى قه‌زاى سه‌یدسادق و ده‌ورووبه‌رى ئه‌نجامده‌دات".

 

گوتیشی: "سه‌ره‌تا بڕیاربوو پێشبڕكێكه‌ بۆ كوڕان و كچان بێت، به‌ڵام ڕێژه‌ى به‌شداریی كچان زۆر كه‌مبوو بۆیه‌ ته‌نیا تایبه‌تمان كرد به‌ كوڕانه‌وه‌".

 

ئاماژه‌ى به‌وه‌شدا "مه‌وداى پێشبڕكێكه‌ بۆ كوڕان 5 كیلۆمه‌تره‌ و تائێستا نزیكه‌ى 50 پاسكیلسوار ناوى خۆیان تۆماركردووه‌ بۆ به‌شداریكردن و خه‌ڵاتى تایبه‌تیش بۆ براوه‌ى یه‌كه‌م تا ده‌یه‌مى پێشبڕكێكه‌ ئاماده‌كراوه‌".