هەواڵی کوردستان ئێستا

بەرشەلۆنە بەیەکەم و دۆرتمۆند بە دووەم سەرکەوتن بۆ قۆناغی شانزە

بەرشەلۆنە بەیەکەم و دۆرتمۆند بە دووەم سەرکەوتن بۆ قۆناغی شانزە
بەرشەلۆنە بەیەکەم و دۆرتمۆند بە دووەم سەرکەوتن بۆ قۆناغی شانزە

2019-12-11 00:00:00 - سەرچاوە: ئاژانسی هه‌واڵی عیراقی

 

 

چاودێرى -اه‌ع

 

لەخولی یانە پاڵەوانەکانی ئەوروپا بەرشەلۆنە بە پێکهاتەى دووەمەوە لە ئینتەرمیلانی بردەوەو دۆرتمۆندیش سودی لە شکستی ئینتەر وەرگرت و گەیشتە قۆناغی شانزە.

 

لە میانی یارییەکانی جەولەى شەشەم و کۆتایی قۆناغی کۆمەڵەکانی چامپیۆنز لیگ یانەى بەرشەلۆنە بە پێکهاتەى دوەمەوەو بە بێ میسی و رۆبیرتۆ و شتیگن و پیکێ و سیمیدۆ و ئالبا  روبەروی ئینتەرمیلان بوەوە.

 

بەرشەلۆنە توانی بە دوو گۆڵ بەرامبەر بە گۆڵێک یاریەکە لە ئینتەرمیلان بباتەوە.

 

دوو گۆڵەکەى بەرشەلۆنە کارلیس پیرێز و ئینسۆ فاتی کردیان و تاکە گۆڵەکەى ئینتەریش لۆکاکۆ کردی.

 

لە یارییەکی تردا و هەر لەو کۆمەڵەیەدا بروسیا دۆرتمۆند لە یاریگاى خۆی میوانداری سلاڤیا براگی کرد و بە دوو ۆگڵ بەرامبەر بە گۆڵێک یارییەکەى لێبردەوە.

 

بەو ئەنجامانە بەرشەلۆنە بە 14 خاڵ و بەپلەى یەکەم گەیشتە قۆناغی شانزەو دۆرتمۆندیش بە 10 خاڵ و بەپلەى دووەم گەیشتە هەمان قۆناغ.

 

ئینتەرمیلانیش بە 7 خاڵ و بەپلەى سێیەم سەرکەوت بۆ یۆرۆپا لیگ.