هەواڵی کوردستان ئێستا

هەولێر-KDP.info- بەڕێوەبەری كارگەی غازی هەولێر رایگەیاند، هاتنی غاز بۆ هەولێر بەردەوامە و رۆژانە دێت، ئەو كەسانەی شەوی ڕابردووش تەقەیان لە تەنكەرەكان كردبوو، دەستگیر كراون.

بەختیار عەبدوڵڵا، بۆ ماڵپەڕی فەرمیی پارتی دیموكراتی كوردستان گوتی، هاتنی غاز رۆژانە بۆ هەولێر بەردەوامە و لە ئێستاشدا خەریكە قەیرانی غاز نامێنێت و وردە وردە دۆخەكە ئاسایی دەبێتەوە، كە ئێستا نرخی غازی حكوومی لە هەولێر 7 هەزار و 500 دینارە.

بەڕێوەبەری كارگەی غازی هەولێر گوتیشی، ئەوانەی كە تەقەیان لە تەنكەرەكانی هاوردەكردنی غاز بۆ هەولێر و دهۆك دەكرد، دەستگیر كراون.

لەبارەی گرانیی نرخی غاز لە هەندێك شوێن، ئاماژەی دا، ئەو غازە بازرگانییە و خەڵك لە شارەكانی دەرەوەی هەرێمی كوردستان لە مووسڵ و كەركووكەوە هاوردەی دەكەن و بە نرخێكی گرانتر دەیفرۆشن.

 

بڵند ئیبراهیم