هەواڵی کوردستان ئێستا

دیجیتاڵ میدیاى سپێده‌

دوای نیوەڕۆی ئەمڕۆ سێ شەممە بەرواری 2/3/2021 لە شاری هەولێر بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان بەیاوەری شاندێك سەردانی بەرێزان ( مامۆستا مەلا طیب و مامۆستا مەلا طاهر ) ی لە مەدرەسەی بەحركە كرد.

ئەمینداری گشتی یەکگرتوو لە نزیكەوە لە هەواڵ و تەندروستیانی پرسی و ئاماژەی بە رۆڵی هەردوو مامۆستای بەرێز كرد لە گرنگی دان بە حوجرە و مەدرەسەی شەرعی و پەروەردە و دروستكردنی قوتابی و زانای ئاینی لە مەدرەسەكەیان، لەخودا داواكاربوو كە تەمەنیان درێژبكات لەسەرخێر بۆ خزمەتكردنی پەیامی ئیسلام .

لە بەرانبەردا مامۆستایانی بەرێز خۆشحاڵی خۆیان بە دۆستایەتی و هاتنی ئەمینداری گشتی یەكگرتوو و شاندی یاوەری دەربڕی و تەئكیدیان لەسەر خزمەتكردن بە پەیامی ئیسلام و دروستكردنی نەوەیەكی زانستخواز و پەروەرشیار كردەوە .