هاوسه‌رۆكی یه‌كێتى: سەرۆکی حکومەت تۆ بە تەواوەتی متمانەت لەدەستداوە
دیجیتاڵ میدیاى سپێده
لاهور شێخ جەنگی هاوسه‌رۆكی یه‌كێتى په‌یامێكى توند ئاراسته‌ى مه‌سرور بارزانی سه‌رۆكى حكومه‌تى هه‌رێم ده‌كات و رایده‌گه‌یه‌نێت: سەرۆکی حکومەت لێرەوە پێت دەڵێم تۆ بە تەواوەتی متمانەت لەدەستداوە ئەگینا ئەمەت قبوڵ نەدەکرد.
له په‌یامه‌كه‌ى لاهور شێخ جەنگی دا هاتووه، دەستیان داوەتە کاروباری دادگا بۆ ئەوەی ئەو سێ کەسە ئازاد بکرێن و کەیسەکە دیزە بە دەرخونە بکرێت، بۆیە سەرۆکی حکومەت لێرەوە پێت دەڵێم تۆ بە تەواوەتی متمانەت لەدەستداوە ئەگینا ئەمەت قبوڵ نەدەکرد.
ئاماژه‌ى به‌وه‌شكردووه، هەر ئەو حکومەتەی کە لە کەیسی دەستگیرکردنی (٥) چالاکوانەکەی بادینان داوای لە هەموو لایەنەکان دەکرد کە دەستوەردان لە کاروباری دادگا نەکەن، کەچی هەمان حکومەت بە ئاشکرا و بە هەڕەشەکردن داوای ئازادکردنی (٣) ئەفسەری دەزگایەکی هەواڵگریی هەرێم دەکات کە لەسەر کەیسی پەلاماردانی پەرلەمانتار غالب محەمەد دەستگیر کراون.
