لەسنووری جەلەولا پێگه‌كانی داعش بۆردومان دەكرێت
2021-03-05 00:00:00 - سەرچاوە: سپێده
دیجیتال میدیای سپێده
ئەمڕۆ فڕۆكە جەنگییەكانی سوپای عێراق لەشاری بەعقوبە چەند پێگەو موڵگەیەكی گروپە چەكدارەكانی داعشیان بۆردومان كرد.
ئاژانسی دەنگ و باسی عێراقی بڵاویكردۆتەوە، ئەمڕۆ هەینی فڕۆكە جەنگییەكانی سوپای عێراق لە باكووری خۆرهەڵاتی شاری بەعقوبەی سنووری پارێزگای ئەنبار بۆردومانی پێگەو موڵگەی گروپە چەكدارەكانی داعشیان كردووە.
هەروەها باسیش لەوەكراوە، بۆردومانەكە لە سنووری شاری جەلەولا بووە، لەئەنجامیشدا هەشت پێگەو موڵگەی گروپە چەكدارەكانی داعش بۆردومان كراون، بەڵام ئاماژە بە زیانەكانی نەكراوە.
