هەواڵی کوردستان ئێستا

دیجیتال میدیای سپێده‌

 

ژماره‌ی ئه‌و سڤیلانه‌ی له‌ئه‌نجامی هێرشه‌ مووشه‌كییه‌كانی دوێنێ شه‌و بۆ سه‌ر جه‌رابلوس وباب له‌باكووری سوریا گیانیان له‌ده‌ستداوه‌ بۆ چوار كه‌س به‌رزبوویه‌وه‌، هاوپه‌یمانی نیشتمانی هێزه‌ شۆڕشگێڕ وئۆپۆزسیۆنه‌كانی سوریا ئاشكرایكرد: روسیا به‌به‌رپرسیار له‌هێرشه‌كان ده‌زانن.

ژماره‌ی ئه‌و سڤیلانه‌ی كه‌ له‌ئه‌نجامی هێرشه‌ مووشه‌كییه‌كان كه‌‌سه‌ر له‌ئێواره‌ی دوێنێ ناوچه‌ی حه‌مران سه‌ربه‌ شارۆچكه‌ی جه‌رابلوس كه‌ده‌كه‌وێته‌ سه‌ر سنووری توركیا وناوچه‌ی ته‌رحین له‌باكووری خۆرهه‌ڵاتی شارۆچكه‌ی باب-یان كردبوویه‌ ئامانج، له‌سێ كه‌سه‌وه‌ بۆ چوار كه‌س به‌رزبوونه‌وه‌.

له‌راگه‌یه‌نراوێكدا هاوپه‌یمانی نیشتمانی هێزه‌ شۆڕشگێڕ وئۆپۆزسیۆنه‌كانی سوریاوه‌ له‌باره‌ی هێرشه‌كه‌وه‌ رایگه‌یاندوه‌: روسیا گونده‌واره‌كانی حه‌له‌بی كردووه‌ته‌ ئامانجی هێرشێكی نوێ وتیرۆری ده‌وڵه‌ت په‌یڕه‌و ده‌كات.

ئاماژه‌یان به‌وه‌كردوه‌: هێرشه‌كانی هه‌ریه‌ك له‌حه‌مران وته‌رحین نیشانه‌ی هه‌ڵكشانێكی مه‌ترسیدار وتیرۆری ده‌وڵه‌ته‌ كه‌روسیای داگیركار په‌یڕه‌وی ده‌كات. هێرشه‌كه‌ له‌لایه‌ن روسیاوه‌ به‌سێ مووشه‌ك ئه‌نجامدراوه‌.