رادیۆیا زاخۆ بهر ب شهمالكا 27
2019-12-01 00:00:00 - سەرچاوە: ئهڤرۆ نيوز
زهنوون سلێڤانهی/زاخۆ ئیرۆ د جیهانێ دا پربوونا وێستگههێن میدیا و راگههاندنێ یێ بوویه ئالاڤهكی ههره ب هێز و گرنگ، باندۆرا خوهیا جودا ههیه ل سهر چاند و زمان و رهوشهنبیریا جڤاكی د ناڤا جڤاكێن جیهانی دا. ل ڤێرێ دێ ڤهگهرن ل دۆر بابهتێ بیرئانینا 27 مین سالڤهگهرا ئێزگێ دهنگێ كوردستان رادیوا زاخۆ ل ژێر چاڤدیریا سهرۆكێ هێژا مهسعود بارزانی هاتیه دامهزراندن و مێژوویا وێ ڤهدگهریت كو ل رۆژا (29 چریا دووێ) یا سالا 1993، ڤهكرنا ڤی ویستگههێ راگههاندنێ (fm) رادیۆیا زاخۆ بوویه ئێكهم قوتابخانه ژبۆ گهشكرنا بزاڤا رۆژنامهڤانیێ و راگههاندنێ ل دهڤهرێ، ئهڤهژی هێڤێنێ رهنج و خهبات و شۆرهش و قوربانیدانا خهلكێ دهڤهرێ یه بهردهوام كهتیه د خزمهتا تووڕه و كهلتوور و هونهرێ كوردی دا ژبۆ زهنگینكرنا بهرههمێن بزاڤا رهوشهنبیری و لێك نێزیكرنا ههڤ ئهدهب و دۆست و نڤیسهر و هونهرمهندێن باژێرێ زاخۆ ل دهڤهرێن دهوروبهران. دهنگێ كوردستانێ و رادیۆیا زاخۆ د ڤێ تهمهنێ خوهیێ مێژوویێ دا بهر ب شهمالكا 27 سالیێ ڤه دهربازدبیت ب تایبهت دقووناغێن سهخت و دهمێن بانگهشهیا ئهنجامدانا گشت جۆرێن ههلبژارتنان و راپرسیێ دا، رۆلهكی كاریگهر گێرایه د ناڤا پێگههێن جهماوهری دا و شاراندنا سروودێن نیشتمانی و ئازادیا گهل و جڤاكی ب رهنگهكێ راستهخوه شیایه بلهز گوهدار و بینهرێن خوه كادر و كارمهندێن خودان شیان د ڤی وێستگههێ ئێزگێ دهنگێ كوردستان دا ل دۆر خوه خڕڤهكن ب چهلهنگی د كار و ئهركێن خوه یێن رۆژنامهڤانیێ دا د سازدانا پرۆگرام و بهرنامه و د مێزگهردێن تایبهت دا، بوویه جهێ دلخۆشیێ و كهیف پێ هاتنا گشت گوهدار و حهژێكهرێن پرۆگرام و بهرنامهێن ههمهجۆر و خۆش و دلڤهكهر و ل گهل گرنژین و سلاڤێن سپێدههیان ب مۆزیك و ستران و ههلبهست بوویه وانهێن پرۆگرامێن هونهری و زمان و كهلتوورێ جڤاكێ باژێرێ زاخوهیا دهلال ههیا نها ژی د ڤی تهمهنێ خوهیێ 26 سالیێ دا ب ئامیرهتێن خوهیێن پێشكهڤتی ب رێیا مالپهر و سایتێن خوه یێن ئهلكترۆنی ژی بێ راوهستیان د پهخشكرنا پرۆگرام و گشت بهرنامێن خوهدا ب هاریكاری و پشتهڤانیا كادر و كارمهندێن خوهدان سهربۆر ئێزگێ دهنگێ كوردستانێ رادیۆیا زاخۆ دبیته تێگههێ هشیاركرنا جڤاكی د بهرنامهێن رامیاری و رهوشهنبیری و ئابووری و .. هتد. ههلبهت د ڤێ بیرئانینا 26 سالڤهگهرا دهنگێ كوردستان رادیۆیا زاخۆ ل تهڤایا گشت كادر و كارمهندێن وێ و خهلكێ زاخۆ پیرۆزبیت.