وەزارەتی پەروەردەی هەرێم، چەند بڕیارێکی ده‌ركرد
2021-03-15 00:00:00 - سەرچاوە: سپێده
دیجیتاڵ میدیاى سپێده
وەزارەتی پەروەردەی حکومەتی هەرێم، چەند بڕیارێکی لەبارەى قۆناغی 12ی ئامادەیی بە هەموو بەشەکانییەوە دا و دەڵێت، تاقیکردنەوەى وەرزی یەکەم لە ڕۆژی شەممە (10ی نیسانی 2021) دەستپێدەکات و لە 21ی هەمان مانگ کۆتایی دێت.
وەزارەتەکە لە ڕاگەیەنراوێکدا ئاماژه‌ى به‌وه‌كردووه، لەبەر بەرژەوەندی قوتابیان و خوێندکارانی قۆناغی 12 بەهەموو بەشەکانیەوە، بەمەبەستی پێدانی دەرفەتی زیاتر، پاش کۆبوونەوە لەگەڵ بەڕێزان سەرۆکی لیژنەی باڵای ئەزموونەکان و بەڕێوەبەرانی گشتی سەرپەرشتیکردنی پەروەردەیی و پەروەردەی گشتی پارێزگاکان چەند بڕیارێک درا.