هەواڵی کوردستان ئێستا

دیجیتاڵ میدیاى سپێده‌

سەرۆکی ئەنجوومەنی نوێنەرانی عێراق، محەمەد حەلبوسی رایگەیاند کە کارەساتی ھەڵەبجە، یادێکە بۆ یەکخستنی سەرجەم ھەوڵەکان بۆ رووبەڕووبوونەوەی بەرەنگارییەکان لە پێناو ئایندەدا.

محەمەد حەلبوسی لە سیی و سێیەمین ساڵیادی کیمیابارانکردنی شاری ھەڵەبجەدا، تویتێکی بڵاوکردەوە و تیایدا نووسیوویەتی:

"لە سیی و سێیەمین ساڵیادی کارەساتی ھەڵەبجە کە برینێکی قوڵە لە ویژدانی مرۆڤایەتیدا، ھاوخەمی خۆمان بۆ کەسوکاری قوربانییان و پشتیوانیمان بۆ سەتەملێکراوان رادەگەیەنین".

سەرۆکی ئەنجوومەنی نوێنەرانی عێراق، محەمەد حەلبوسی ئەوەشی نووسیووە: "کارەساتی ھەڵەبجە، یادێکە بۆ یەکخستنی سەرجەم ھەوڵەکان بۆ رووبەڕووبوونەوەی بەرەنگارییەکان لە پێناو ئایندەدا".