حکومەتی هەرێمی کوردستان پشووه‌كانی نه‌ورۆزی راگه‌یاند
دیجیتاڵ میدیاى سپێده
حکومەتی هەرێمی کوردستان له راگه‌یه‌نراوێكدا، پشووه‌كانی نه‌ورۆزی راگه‌یاند و ئاماژه‌ی به‌وه‌ش كرد، داوا له هاووڵاتیان ده‌كه‌ین له رۆژانی پشوودا پابه‌ندی رێككاره‌كانی خۆپاریزی بن.
جوتیار عادل وتەبێژی حکومەتی هەرێمی کوردستان بەبۆنەی جەژنی نەورۆز و سەری ساڵی نوێی کوردییەوە، رۆژانی یەکشەممە، دووشەممە و سێشەممەی هەفتەی داهاتوو، کە دەکاتە (21 و 22 و 23ی ئاداری 2021)، بەپێی رۆژمێری فەرمی حکومەتی هەرێمی کوردستان لە تەواوی دامەزراوەکانی حکومەت، پشووی فەرمییە.
ئاماژه‌ى به‌وه‌شكردووه، جگە لەو ڕۆژانەش، حکومەتی هەرێمی کوردستان رۆژی چوارشەممە و پێنجشەممەی هەمان هەفتە، کە دەکاتە (24 و 25ی ئاداری 2021)، وەکو پشووی فەرمی رادەگەیێنێت.
وتەبێژی حکومەت راشیگه‌یاندووه، داوا لە هاوڵاتیان دەکەین لە رۆژانی نەورۆزدا پابەندی رێنماییە تەندروستییەکانی تایبەت بە خۆپارێزی لە پەتای ڤایرۆسی کۆرۆنا بن.
