ئەمریكا.. بەهۆی تەقەی هەڕەمەكییەوە چوار كەس كوژران
2021-04-01 00:00:00 - سەرچاوە: سپێده
دیجیتاڵ میدیای سپێده
میدیاكانی ئه‌مریكا بڵاویانكرده‌وه، له كرده‌یه‌كی ته‌قه‌كردنی هه‌ڕه‌مه‌كیدا له ناوچه‌ی "ئه‌ورانج"ی سه‌ر به باشووری ویلایه‌تی كالیفۆڕنیای ئه‌و وڵاته، چوار كه‌س كوژراون كه یه‌كێكیان منداڵه.
به‌گوێره‌ی میدیاكانی ئه‌مریكا، ئه‌مڕۆ پێنجشه‌ممه، چه‌كدارێك ته‌قه‌ی هه‌ڕه‌مه‌كی له كۆمه‌ڵێك كه‌س كردووه و به‌وهۆیه‌شه‌وه، چوار كه‌س كه یه‌كێكیان منداڵه، گیانیان له‌ده‌ستداوه.پۆلیسی ئه‌و ناوچه‌یه‌ش ئاماژه‌ی به‌وه‌كردووه، كه رووداوه‌كه تیرۆریستی نه‌بووه و له ئێستادا بارودۆخه‌كه له ژێر كۆنتڕۆڵدایه،
هاوكات به‌بێ ئه‌وه‌ی هۆكاری رووداوه‌كه‌ش ئاشكرابكات، پۆلیسی ئه‌و ناوچه‌یه ئاماژه‌ی به‌وه‌كرد، چه‌كداره‌كه ده‌ستگیركراوه.
