په‌رله‌مانی كوردستان له‌باره‌ی چه‌ند پرۆژه و بابه‌تێك كۆده‌بێته‌وه
دیجیتاڵ میدیاى سپێده
سەرۆکی پەرلەمان بانگهێشتی ئەندامان دەکات بۆ ئامادەبوونیان لە کۆبونەوەی ڕۆژی سێشەممە کاتژمێر 11ی پێشنیوەڕۆ.
به‌پێی راگه‌یه‌نراوه‌كه، دانیشتنی په‌رله‌مان چوار ته‌وه‌ر له خۆده‌گرێت، له‌وانه ده‌نگدان له‌سه‌ر پێشنیازه یاسای هاورده‌كردن و فرۆشتنی به‌رهه‌مه نه‌وتییه‌كان له هه‌رێمی كوردستان و خوێندنەوەی یەکەم بۆ پێشنیازە یاسای هەمواری یەکەمی یاسایبەخاوەنکردنی ئەو زەوییانەی لەسنوری شارەوانییەکان زێدەڕۆییان لەسەرکراوە.
هه‌ر له دانیشتنه‌كه‌دا چه‌ند پێشنیازه یاسا و پێشنیازه بڕیار خوێندنه‌وه‌یان بۆده‌كرێت و دوو بیرۆكه‌ی په‌رله‌مانتارانیش ده‌خرێنه‌ڕوو.
ده‌قی بانگهێشتنامه‌كه‌ی سه‌رۆكی په‌رله‌مانی كوردستان:
رۆژی سێشەممە پەرلەمانی کوردستان کۆدەبێتەوە، سەرۆکی پەرلەمان بانگهێشتی ئەندامان دەکات بۆ ئامادەبوونیان لەڕۆژی سێشەممە کاتژمێر 11ی پێشنیوەڕۆ.
دەستەی سەرۆکایەتی پەرلەمان بڕیاریاندا بەرنامەی کاربەم شێوەی خوارەوەبێت.
۱-دەنگدان لەسەر پێشنیازە یاسای هاوردەکردن وفرۆشتنی بەرهەمەنەوتییەکان لەهەرێمی کوردستان.
۲-خستنەڕوی بیرۆکەی۲ پەرلەمانتار
د.گەڵاوێژ عوبێد سەبارەت بەزۆربووی نەخۆشی شێرپەنجە
شنۆ ئەشقی سەبارەت بە ڕەخساندنی هەڵی کارلەهەرێمی کوردستان.
۳-خوێندنەوەی یەکەم بۆ پێشنیازە یاسای هەمواری یەکەمی یاسایبەخاوەنکردنی ئەو زەوییانەی لەسنوری شارەوانییەکان زێدەڕۆییان لەسەرکراوە لەهەرێمی کوردستان-عێراق ژمارە۲ 2019
٤-خوێندنەوەی دووەم بۆ ئەم پێشنیازەیاسا و بڕیارانە
ٲ-پێشنیازە بڕیاری(ڕۆژی ڕۆژنامەگەری کوردی لەهەرێمی کورستان.
ب-پێشنیازە یاسای بەرێوەبردن و پاراستنی شوێنەوار وکەلەپور لەهەرێمی کوردستان.
