هەواڵی کوردستان ئێستا

دیجیتال میدیای سپێده‌

بەڕێوەبەرى گشتى کشتوکاڵى گەرمیان زیانەکانى بێ بارانى لەسنورەکە ئاشکرا کرد و بۆ چارەسەرکردنى وشکەساڵى راپۆرتى خۆیان ئاراستەى وەزارەتى کشتوکاڵ کردوە.

شادیە حسێن، بەرێوەبەری گشتی کشتوکاڵی گەرمیان (23ى نیسانى 2021) رایگەیاند "بەھۆی کەمی رێژەی باران بارین لەسنوری ئیدارەی گەرمیان سەد و شەست ھەزار دۆنم زەوی لەگەرمیان توشی زیان بوە".

وتیشی، لەسنوری ئیدارەی گەرمیان611 ھەزار سەر مەڕ و 136 هەزار بزن و 10هەزار ڕەشەوڵاخ و دوو ھەزار گامێش مان ھەیە کەمی باران بارین کاریگەری راستەوخۆی ھەبوە لەسەریان.

رونیشیکردەوە، بۆ چارەسەرکردنی گرفتی وشکەساڵی راپۆرتی خۆیان ئاراستەی وەزارەتی کشتوکاڵ وسەرچاوەکانی ئاو کردوە و داوایان کردوە کەپێویستە بۆ گەرمیان بودجەی تایبەت دابنرێت.

هەروەها داواشى کردوە بۆ وەرزی دووەمی چاندن بنەتۆ بۆ ئەو جوتیارانە دابین بکرێ کەبەھۆی وشکەساڵییەوە زەرەرمەندبوون.