هەواڵی کوردستان ئێستا

مۆسکۆ-  KDP.info- سەرکردەیەکی ئەنجوومەنا نیشتمانی  یا کورد ل سوریا(ئەنەکەسێ)، دبێژیت:" نێرینا ڕووسیا ل هەمبەری کوردان ل ڕۆژئاڤایێ کوردستانێ ڕۆنە، و ل گەل داخوازیێن گەلێ کوردن.

ل ڤێ داویێ شاندەکی ئەنەکەسێ ل گەل میخائیل بۆگدانۆڤ,  جێگرێ وەزیرێ دەرڤەیێ ڕووسیا کۆمبوون، دەربارەی ڤێ یەکێ ژی، شەلال گەدۆ، ناڤەڕۆکا کۆمبوونێ بۆ ماڵپەرێ فەرمیی یێ پارتی دیموکراتی کوردستان گۆت:" ئەنجامێن کۆمبوونێ ئەرێنی بوون ب ئاشکەرایی ئەوان پشتەڤانیا خۆ بۆ کوردان دیارکرییە د سبە ڕۆژا سووریا دا."

ناڤهاتی دەربارەی دەستوورێ سووریا گۆتژی:" رووسیا ل گەل وێ یەکێ یە کو مافێن کوردان د دەستوورا نویا سووری دا بهێنە چەسپاندن."
ئەڤی سەرکردێ ئەنەکەسێ ل دوایێ ئاماژەدا، بزاڤێن سیاسی و دبلووماسی یێن ئەنەکەسێ دێ دبەردەوامبن بۆ پشتەڤانیکرنا گەلێ کورد ل سووریا و ب دەستڤەئینانا مافێن کوردان.
کاروان باعەدری