هەواڵی کوردستان ئێستا

ئازاد تارق - به‌رده‌ڕه‌ش

ئێوارەی ئەمڕۆ لەسەر ڕێگای خازر لە گوندی شیوەڕەی نزیک بەردەڕەش تەرمی ئافرەتێک بەمردوویی دۆزرایەوە کە ئاسەواری گولە بەسەر جەستەیەوە دیارە.

سەرچاوەیەک لەپۆلیسی بەردەڕەش کە نەیویست ناوی بڵاوبکرێتەوە بەسپێدەی ڕاگەیاند: ئافرەتەکە بەچەند گولەیەکی دەمانچە کوژراوەو لەپشتەوە دەستەکانی گرێدراوە بەڵام تائێستا نازانرێ ھۆکاری ڕووداوەکە چیە.

بەپێی قسەی سەرچاوەکە ئافرەتەکە تەمەنی نزیک ٢٥ ساڵەو لەئێستادا تەرمەکەی ڕەوانە پزیشکی داد کراوە بۆ پشکنین و لێکۆلینەوە لەسەری.

سەرچاوەکەی سپێدە باسی لەوەشکرد، کە تەرمەکە زۆر کۆن نیەو پێدەچێت درەنگانێکی شەوی ڕابردوو روداوەکە ڕوویدابێت.