سوپای عێراق و حه‌شدی شه‌عبی ئۆپراسیۆنێكیان بۆ ڕاوەدونانی داعش دەستیپێكرد
دیجیتاڵ میدیای سپێده
ھێزە ئەمنییەكانی عێراق و حەشدی شەعبی ئۆپەراسیۆنێكیان بە ئامانجی راوەدوونانی پاشماوەكانی رێكخراوی داعش لە دوو میحوەر دەست پێ كرد.
بەپێی راگەیەنراوێكی دەستەی راگەیاندنی حەشدی شەعبی ھێزە ئەمنییەكان و حەشدی شەعبی لە دوو میحوەرەوە، ئۆپەراسیۆنێكیان لە ژمارەیەك ناوچەی پارێزگاكانی سەڵاحەددین و دیالە دەست پێ كردووە.
بەپێی راگەیەندراوەكە لە ئۆپەراسیۆنەكەدا، پاڵپشتی ئاسمانیی لەلایەن فڕۆكە جەنگییەكانی عێراقەوە دابین كراوە.
ئەویش خراوەتەڕوو كە ئامانج لە ئەنجامدانی ئۆپەراسیۆنەكە، راوەدوونانی پاشماوەكانی رێكخراوی داعشە لە ناوچەكانی سنووری پارێزگاكانی سەڵاحەددین و دیالە.
سەرەڕای ئەوەی ھێزە عێراقییەكان داعشیان لە ناوچەكان شكست پێ ھێناوە، بەڵام شانە نووستووەكانی رێكخراوەكە تا ئێستا بەردەوامن لەسەر پەلامارەكانیان بەتایبەت لە ناوچەكانی سەربە پارێزگاكانی نەینەوا، كەركووك، دیالە، سەڵاحەددین و ئەنبار.
