هەواڵی کوردستان ئێستا

SNN وەزارەتی کارەبای ھەرێم لە ڕاگەیەنراوێکدا پلانەکانی بۆ باشترکردنی ڕەوشی کارەبا لە وەرزی زستان خستەڕوو، بە پێی ڕاگەیەنراوکەش بڕیاردراوە، تەواویی بەڕێوەبەرایەتییە گشتییەکانی کارەبا و وێستگەکانی بەرھەمھێنانی کارەبا پابەندی بڕیارەکانی کۆنترۆڵی ناوەندی وەزارەت بن، ھاوکات ئامادەکاریش بۆ دابینکردنی پێداویستییەکانی دابەشکردنی کارەبا بۆ وەرزی زستان لە مانگەکانی 12ی 2021 و مانگەکانی 1 و 2ی 2022 دەکرێت. لە بەشێکی تری ڕاگەیەنراوەکەدا ھاتووە، ڕاپۆرتی داھاتی کارەبای شارەکان و سەرپێچییەکان ئامادە دەکرێت و ھەڵمەتی نەھێشتنی سەرپێچیش بەردەوام دەبێت و ڕێکاریی یاسایی بەرانبەر سەرپێچیکاران دەگیرێتە بەر. جەختی لەوەشکردووەتەوە، بە کەمکردنەوەی ڕۆتین و دابینکردنی پێداویستییەکان، پڕۆژەی پێوەری زیرەک خێراتر دەکرێت و ژمارەیەکی زیاتر دەبەسترێت.

The post وەزارەتی کارەبا پلانی خۆی بۆ باشکردنی ڕەوشی کارەبا لە سێ مانگی داهاتوو خستەڕوو appeared first on SNN.