هەواڵی کوردستان ئێستا

SNN بەرەبەيانی ئەمڕۆ چوارشەممە، لە کاتی کردنەوەی بازاڕەکاندا نرخی نەوتی برێنت 23 سەنت بەرزبووە و بە 79 دۆلار و 17 سەنت مامەڵەی پێوەکرا. بەپێی هەواڵی ئاژانسە ئابوورييەکان: بەيانی ئەمڕۆ نرخی نەوتی خاوی برێنت بەرزبووەتەوە و نەوتی سووکی تەکساسی ئەمریکاش 21 سەنت بەرزبووەوە و بە 76 دۆلار و 19 سەنت مامەڵەی پێوەکرا. بەوپێیەش نرخەکانی نەوت گەیشتوونەتە بەرزترین ئاستی خۆی لە مانگی 12دا. شارەزايانی ئابووری هۆکاری دابەزين و بەرزبوونەوەی نرخی نەوت بۆ بڵاوبوونەوەی ڤايرۆسی کۆرۆنا لە جۆری ئۆميکرۆن لە ئەفريقا و بەشێک لە وڵاتان دەگێڕنەوە، هەروەها هۆکاری گۆڕانکاری بەردەوام لەم چەند هەفتەيەدا بۆ کەمبوون و زيادبوونی خواست لەسەر نەوت دەگەڕێننەوە.

The post نرخی نەوت نزيک دەبێتەوە لە 80 دۆلار appeared first on SNN.