هەواڵی کوردستان ئێستا

دیجیتال میدیای سپێده‌

وەزارەتی بەرگری رووسیا، ئەوەی ئاشکرا کرد کە بە ئامانجی ئەنجامدانی مانۆڕێکی سەربازی زیاتر لە 30 کەشتی جەنگی رووسی چوونەتە ناو دەریای رەشەوە.

لەوبارەیەوە وەزارەت راگەیەندراوێکی بڵاوکردوەتەوە و تیایدا هاتووە: "زیاتر لە 30 کەشتی جەنگی، بە ئامانجی ئەنجامدانی مانۆڕی سەربازی لە بەندەرەکانی سیڤاستۆپۆڵ و نۆڤۆرۆسیسک چوونەتە ناو دەریای رەشەوە".

پێشتریش لە 20ی کانوونی دووەمدا وەزارەتی بەرگری رووسیا، راگەیەندراوێکی بڵاوکردبووەوە و ئەوەی خستبووەڕوو کە هێزە دەریاییەکانی رووسیا لە مانگەکانی کانوونی دووەم و شوباتدا لە تەواوی ئەو ناوچانەی بەرپرسن لێی، مانۆڕی سەربازی ئەنجام دەدەن.

ئەماژە بەوەش درابوو کە لە مانۆڕەکاندا 140 کەشتی، 60 فڕۆکە و 10 هەزار سەرباز بەشداری دەکەن.