کازمی وەزیری نەوتی عێراقی راسپارد بۆ ئیدارەکردنی دۆسیەی نەوتی هەرێم
دیجیتال میدیای سپێده
نووسینگەی سەرۆک وەزیرانی عێراق رایده‌گه‌یه‌نێت، ئه‌مڕۆچوارشەممە به‌سه‌رۆكایه‌تی مستەفا کازمی کۆبوونەوەی ئەنجومەنی وەزاری ئاسایشی نیشتمانیانی به‌رێوه‌چوو و دوایین پێشهاتەکانی بارودۆخی ئەمنی و پێشکەوتنەکانی گۆڕەپانی عێراق و هەرێم تاوتوێکرا.
نووسینگەی سەرۆک وەزیرانی عێراق رایگه‌یاند " وەزارەتی نەوتی عێراق راسپێردراوه بۆ پەیوەندیکردن و هەماهەنگی لەگەڵ حکومەتی هەرێمی کوردستان و کۆمپانیا و وڵاتانی پەیوەندیدار تەرخان بکات بۆ ئامادەکردنی میکانیزم و هەنگاونان بۆ بەڕێوەبردنی ئەم دۆسیەیە بەپێی دەستوور و بەرژەوەندیی باڵای نیشتمانی".
وتیشی،" ڕێگەی بەوەزارەتی نەوت دراوه كه ڕاوێژکار و شارەزایان لەناوەوە و دەرەوەی عێراق دابمەزرێنێت بۆ ئەوەی نەخشەڕێگای تەکنیکی و کاتی لەم بوارەدا پەرەپێبدات".
لە کۆبوونەوەکەدا باس له‌وه‌ش كرا، "ئۆپەراسیۆنە بەردەوامەکانی هێزە ئەمنییەکانمان بۆ بەدواداچوونی چەتەکانی نایاسایی و چالاککردنی فەرمانی دەستگیرکردن کە ماوەیەکە جێبەجێ نەکراوە".
ئه‌وه‌ش خراوه‌ته روو" هەموو ئامرازەکانی پشتیوانی بۆ هێزە ئەمنییەکان دابینکراوە بۆ جێبەجێکردنی ئەرک".
هەروەها له كۆبونه‌وه‌كه‌ی ئەنجومەنی وه‌زاری باس له‌وه كرا "بەدواداچوونی ئەو ڕێنماییەی کە فەرماندەی گشتی هێزە چەکدارەکان دەریکردووە سەبارەت بە کۆنتڕۆڵکردنی نرخی خۆراک و کۆنترۆڵکردنی دەستکاریکردنی نرخەکان و هێزی خەڵک و گەیاندنیان بە دادوەری بەپێی یاسا پشتڕاستکردەوە".
ئه‌وه‌ش هاتووه" كه ئەنجومەنەکە ڕازی بوو بە پەسەندکردنی ستراتیژی ئاسایشی سیبرانی 2020-2022، بە لەبەرچاوگرتنی ئەو لێدوانانەی کە لە کۆبوونەوەی ئەنجومەنی وەزاری سەبارەت بە ئاسایشی نەتەوەیی کرا".
