باندێكی بازرگانیكردن بە مرۆڤ له سۆران دە‌ستگیر كرا
پۆلیسی سۆران ڕایگه‌یاند، باندێكی پێنج كه‌سی كه هه‌ڵسابوون به بازرگانیكردن به ئافره‌تێكی خوار 18 ساڵ له سۆران ده‌ستگیركران.
بەرێوەبەرایەتی پۆلیسی سۆران ئه‌مڕۆ پێنجشه‌ممه 17/2/2022 له بڵاوكراوه‌یه‌كدا ڕایگه‌یاند: دوای ئاگادار كردنە‌وە‌ی پۆلیسی ناوشاری سۆران کەوا باندێك کەپێک هاتوون لە پێنچ كە‌س ھە‌ڵساون بە بازرگانی كردن بە ئافرە‌تێكی تەمەن خوار ( ١٨ ) سـاڵ ، لە‌سە‌ر بڕیاری بە‌ڕێز دادوە‌ری لێكۆلینە‌وە‌ی سۆران توانرا تۆمە‌تباران بە‌پێیی ماددە‌ی ٦ لە یاسای بازرگانی كردن بە مرۆڤ دە‌ستگیر بكرێن.
ئاماژه‌ی به‌وه‌شكرد: دوو تۆمە‌تبار دانیشتووی شاری ھە‌ولێرن وە یە‌كێكیان دانیشتووی شاری ئاكرێیە وە دوو تۆمە‌تباری تر دانیشتووی سۆرانن.
ئه‌وه‌شی ڕاگه‌یاند: دوای دە‌ستگیركردنیان دانیان بە تاوانە‌كە ناوە وە ئێـستا ڕێككارە‌كانی لێكۆڵینە‌وە‌ی سە‌رە‌تایی لە‌گە‌ڵیان بە‌ردە‌وامە.
پۆلیسی سۆران ئه‌وه‌شی خسته‌ڕوو: دڵنیایی دە‌دە‌یین بە ھاوڵاتیانی ئازیز كە چاو پۆشی لە ھیچ تۆمە‌تبارێك ناكرێت لە هەر شوینێک خۆیان حەشار بدەن لە‌دە‌ست یاسا ڕزگاریان نابێت