به‌شێك له سوپای رووسیا لە سنووری ئۆکرانیا كشایه‌وه
2022-02-18 00:00:00 - سەرچاوە: سپێده
وەزارەتی بەرگری رووسیا، کشانەوەی بەشێکی تانک و یەکە سەربازییەکانی سەر سنووری ئۆکرانیای راگەیاند.
لەو بارەیەشەوە وەزارەتی بەرگری رووسیا، راگەیەندراوێکی بڵاوکردەوە و تیایدا ئەوەی خستووەتەڕوو کە بەشێکی یەکە سەربازییەکانی سەر بە ناوچەی سەربازی رۆژئاوا، دوای کۆتاییهاتنی مانۆڕەکانیان گەڕاونەتەوە بۆ بنکە هەمیشەییەکانیان.
هەروەها هێزە دەریاییەکانی رووسیا لە راگەیەندراوێکی دیکەدا لەبارەی چالاکییە سەربازییەکانیان لە دورگەی قرم، زانیاری خستووەتەڕوو.
لە راگەیەندراوەکەدا هاتووە: "لە کاتی مانۆڕەکەدا ١٠ کەشتی جەنگی لە دورگەی قرم بوون و لە بنکەکانی رووسیا لە ناوچەکانی دیکە جێگیر کراون".