هەواڵی کوردستان ئێستا

دیجیتاڵ میدیای سپێده‌

به‌پێی راگه‌یه‌نراوێكی وه‌زاره‌تی نه‌وتی عیراق، به‌پێی ئاماری كۆمپانیای سۆمۆ بۆ به‌بازاڕكردنی نه‌وتی عیراق، مانگی رابردو كۆی بڕی هه‌نارده‌كراوی نه‌وتی خاو له‌كێڵگه‌كانه‌وه‌ 99 ملیۆن و 286 هه‌زارو 78 به‌رمیل بوه‌ كه‌ داهاته‌كه‌ی گه‌یشتۆته‌ 8 ملیارو 322 ملیۆن و 679 هه‌زار دۆلار.

وه‌زاره‌تى نه‌وتى عێراق راشیگه‌یاندوه‌، له‌ كێڵگه‌ نه‌وتییه‌كانی ناوه‌ڕاست و باشوری عیراقه‌وه‌ بڕی نه‌وتی هه‌نارده‌كراو گه‌یشتۆته‌ 96 ملیۆن و 430 هه‌زارو 596 به‌رمیل نه‌وت و هه‌روه‌ها بڕی هه‌نارده‌كراو له‌كێڵگه‌كانی كه‌ركوكه‌وه‌ بۆ به‌نده‌ری جه‌یهانی توركیا 2 ملیۆن و 545 هه‌زارو 656 به‌رمیل بوه‌، وه‌زاره‌تی نه‌وتی عیراق راشیگه‌یاندوه‌ كه‌ نرخی یه‌ك به‌رمیل نه‌وت به‌تێكڕای 83.825 دۆلار فرۆشراوه‌.