ڤۆلۆدیمیر زێلێنسکی: "سکاڵامان لە دادگای نێودەوڵەتیی لەسەر رووسیا تۆمار کرد"
2022-02-27 00:00:00 - سەرچاوە: سپێده
دیجیتال میدیای سپێده
سەرۆکی ئۆکراینا، ڤۆلۆدیمیر زێلێنسکی رایگەیاند کە سکاڵایان لە دادگای نێودەوڵەتیی لەسەر رووسیا تۆمارکردووە.
ڤۆلۆدیمیر زێلێنسکی لە ھەژماری تایبەتی خۆی لە تۆڕی کۆمەڵایەتیی تویتەر نووسیوویەتی "ئۆکراینا سکاڵای لە دادگای نێودەوڵەتیی لەسەر رووسیا تۆمارکردووە، پێویستە رووسیا بەھۆی ئەوەی ھێرش بۆسەر ئۆکراینا ئەنجام دەدات، سزا بدرێت".
راشیگەیاندووە "داوا دەکەین، بڕیارێکی بەپەلە دەربکرێت کە تیایدا داوا لە رووسیا بکات، ھێرشە سەربازییەکەی سەر وڵاتەکەمان رابگرێت و پێشبینی دەکەین ھەفتەی داھاتوو دادگای نێودەوڵەتیی بڕیاری خۆی لەوبارەیەوە بدات".