هەواڵی کوردستان ئێستا

وەزارەتی گەنجینەی ئەمریکا رایگەیاند کە مامەڵەکردنی سەرمایەدارانی ئەمریکایان لەگەڵ بانکی ناوەندیی رووسیا، قەدەغەکردووە.

وەزارەتی گەنجینەی ئەمریکا لە راگەیەندراوێکدا ئاماژەی بەوە داوە کە ئەو بڕیارەی، وەک وەڵامێک بۆ ھێرشی سەربازیی رووسیا بۆسەر ئۆکراینا داوە و ھاتووە:

"لەئێستا بەدواوە، مامەڵەکردنی سەرمایەدارانی ئەمریکا لەگەڵ بانکی ناوەندیی، سندوقی سامانی سیادی و وەزارەتی دارایی رووسیا، قەدەغەکراوە".

باسی لەوەش کردووە کە ھەروەھا سزای بەسەر سندوقی وەبەرھێنانی رووسیا و بەڕێوەبەری جێبەجێکاری سندوقەکە، کیریل دەمیترییڤ سەپێندراوە.

ئەوەیش خراوەتەڕوو کە ئەو سزایانە، سامانەکانی بانکی ناوەندیی رووسیا لە ئەمریکا تووشی گرفت دەکات.