نرخی بەنزین لە هەرێم زیاتر بەرزبویەوە
2022-03-01 00:00:00 - سەرچاوە: سپێده
دیجیتال میدیای سپێده
ئەمڕۆ سێ شەممە جارێكی دیكە نرخی بەنزین بەرزبویەوەو لە پارێزگاكانی هەرێم بۆ هەر لیترێك بڕی 25 دیناری عێراقی چووەتەسەر بەوەش نرخی لیترێك بەنزینی نۆرماڵ گەیشتە 950 دینار.
به گوێره‌ی زانیاریه‌كان ئەمڕۆ سێ شەممە نرخی بەنزین لە پارێزگاكانی هەرێم زیاتر بەرزبویەوەو بۆ هەر لیترێك بڕی 25 دیناری عێراقی چووەتەسەر بەوەش نرخی لیترێك بەنزینی نۆرماڵ گەیشتە 950 دینارو بەنزینی محسن 1025 دینارو جۆری سۆپەر 1100 دینار
جێگەی باسە، ماوەی چەند ساڵێكە حكومەتی هەرێمی كوردستان نرخی بەنزینی لە 450 دینارەوە بۆ نزیكەی هەزار دینار بەرزكردۆتەوەو بێهەڵوێستی هاوڵاتیانیش وایكردووە نرخەكە بە بەرزی بمێنێتەوەو جارێكی دیكە نرخی بەنزین هاوشێوەی پێش بەرزبونەوەی لێنەكرێتەوە.
