رووسیا: هێزە چەکدارەکانمان بەردەوام دەبن لە ئۆپەراسیۆنەکانیان تا ئەوکاتەی بەئامانج دەگەن
وەزیری بەرگریی رووسیا، سێرگی شۆیگو رایگەیاند، سوپای رووسیا بەردەوام دەبێت لە ئۆپەراسیۆنەکانی تا ئەوکاتەی بە ئامانجی دەگات.
شۆیگو دوای کۆبوونەوەیەکی لەگەڵ بەرپرسانی سەربازیی وڵاتەکەی، لەبارەی شەڕوپێکدادانەکانی نێوان رووسیا و ئۆکراینا لێدوانی دا.
سێرگی شۆیگو خۆرئاوای تۆمەتبار کرد بەوەی خەڵکی ئۆکراینا بەرامبەر سوپای رووسیا بەکاردەهێنێت و گوتی: "ئەوەی بەلامانەوە گرنگ بێت پاراستنی رووسیایە بەرامبەر بەو هەڕەشە سەربازییەی کە خۆرئاوا بۆسەر سوپاکەمان دروستی کردووە".
وەزیری بەرگریی رووسیا ئاماژەی بەوەش دا، سوپای رووسیا پاراستنی گیانی هاووڵاتییانی مەدەنی لەبەرچاوگرتووە و گوتی: "هێرشەکانمان بەشێوەیەکی هەستیارانە تەنیا بە ئاراستەی ئامانجە سەربازییەکانەوەیە. هێزە چەکدارەکانیشمان بەردەوام دەبن لە ئۆپەراسیۆنە تایبەتەکانیان تا ئەوکاتەی بە ئامانج دەگەن
